عن يوم 18 يوم الصمت العالمي ،أوقات كتير السكوت بيبقى هو الحل
ليه في 18 يوليو
لازم تجرب تسمع أكتر ما تتكلم؟🤔
.
.
.
بدأت الفكرة في مشروع خيري اسمه world listening، اختاروا يوم ١٨ يوليو من كل سنة يفكروا فيه الناس بالنعمة اللي ناسيينها في زحمة الحياة:
الاستماع....
وبقي يوم مخصص بالتشجيع علي الاستماع أكتر للطبيعة:
أصوات ورق الشجر والعصافير كل يوم الصبح صوت مياه النهر
موج البحر
صوت مزيكا هادية
أو حتي صوت هدوء الفجر.
واختاروا اليوم ده لتكريم ذكري ميلاد الموسيقار والعالم رايموند موراي، لأنه كان أول من اكتشف علم البيئة الصوتية، وإن إزاي الاستماع لأصوات الطبيعة بيرجع حالة الإنسان النفسية للهدوء والسكينة..
أشارك إزاي في اليوم ده؟
خد قرار من أول ما تصحي لحد ما تنام إنك مش هتتكلم طول اليوم غير للضرورة، وشيل الهيدفون، واسمع وبس:
١- لو مش عايش جنب بحر او نهر، اختار طريق هادي وانت رايح مشاويرك وجرب تسمع للناس، والمزيكا اللي المحلات والقهاوي مشغلاها الصبح، اسمع للعب الاطفال في حيك، أو حتي لصوت خطواتك المنتظمة.
٢- أصحى بدري ساعة واشرب كباية الشاي أو القهوة في البلكونة واسمع للعصافير بتستقبل النهار بغناها.
٣- شغل مزيكا هادية بتحبها أو جرب تسمع للمزيكا الكلاسيكية زي بيتهوفن.
٤- جرب أبلكيشن بيحاكي أصوات الطبيعة لو في الشغل أو مش فاضي تتحرك.
٥- كلم حد عزيز عليك وقوله أتكلم وانا هسمعك.
كل ده هيساعدني في إيه؟
١- دماغك هتاخد هدنة من الرغي والضغوطات ف أعصابك هتهدى.
٢-هتلاحظ جمال تفاصيل شغلتنا عنها حياتنا والروتين وده هيخلي نفسيتك أحسن بكتير لأن ملاحظة الجمال في أبسط الحاجات بيفرق دايماً.
٣- هتدي فرصة للي حواليك يوصلولك حاجات مكنتش تعرفها.
هتجرب؟؟؟؟؟؟؟
#world_listening_day
#أمينة_صلاح
التعليقات