الرضاعة الطبيية مع الدكتورة رولا قطامي في بودكاست BirthAndBeyound على منصة WCLPodcast .
للإستماع للحلقة إضغط هنا
الرضاعة الطبيعية بعد الولادة بالمستشفى
دائما" منسمع انو الرضاعة الطبيعية بتوجع او بتاخد وقت طويل او انو من الاشياء اللي بتوجع بعد الولادة، عشان هيك منلاقي انو كتير من الامهات بيوقعوا بمطبات الرضاعة الطبيعية و بالتالي بيوقفوا الرضاعة الطبيعية في اول ال ٦ اسابيع بعد الولادة و بالتالي بتتوقف الرضاعة الطبيعية و بتلجئ الامهات للحليب الصناعي.
عشان هيك بدنا نعطيكم معلومات عن الرضاعة الطبيعية بعد الولادة ، اول اشي لازم تعرفو انو في اشي اسمو الساعة الذهبية ، اول ساعة بعد الولادة ، في هاي الساعة الطفل بكون عندو طاقة للرضاعة و الام جسمها بكون جاهز لافراز هرمون الprolactin و اللي هو هرمون الحليب ، اذا ضاعت علينا هاي الساعة بيوقف افراز هرمون الحليب، و الطفل اللي جاهز للرضاعة زاد توتورو و حاجتو للرضاعة و المص ، و ممكن يعطوا حليب صناعي بالمستشفى ، عشان هيك لازم تحكي للممرضة انو بدك ترضعي رضاعة طبيعية و اذا صحة الطفل بتسمح و تنفسو منيح بامكانك ترضعي.
المشكلة التانية اللي ممكن نواجها بالمستشفى هي انو الرضاعة الطبيعة بتسير على التخت ، و هاي الوضعية رح تغلبك بعدين ، حاولي تلاقي كرسي مريح بغرفة المستشفى، و استعملي مخدة الرضاعة و وضعيات الرضاعة الطبيعية المختلفة .
من المشاكل اللي منشوفها بالمستشفى انو الام بتشكي انها ما عم بتشوف حليب ، و بتتوتر انو ممكن يكون ما عندها حليب ، الحل انو نتأكد من الوضعية الصحيحة و اللقطة و قوة السحب ، يعني الام بتحس بقوة المص و بتشوفي حنك الطفل عم يتحرك حتى لو شوي، معناتو بلش يرضع ، لانو معدة الطفل في اول يوم بدها ٦ نقاط من الحليب فقط.
بالنسبة للقطة لازم نحرص انو كل الجزء البني من الحلمة داخل فم البيبي ، و لازم تجيبي فم البيبي لعندك ، ممكن يسير في وجع اذا الطفل لقط راس الحلمة، بسبب وجود وجود الشعيرات العصبية، و بهاي الحالة منفصل اللقطة باصبع الام و منحاول مرة تانية.
ممكن الام تشوف الثدي ساحل و تحس انو ما فيو حليب، بهاي الحالة بدنا نزيد عدد رضعات الطفل عشان يزيد الحليب.
اما بالنسبة للشفاط ، منستعملو بالمستشفى اذا اعتمد الطفل اعتماد كلي على الحليب الصناعي، بهاي الحالة منفضل انو نستعمل الشفاط لتحفيز ادرار و افراز الحليب.
لمتابعة WCLPodcast إضغط هنا
التعليقات