علاقتك مع شخص مدمن والتطورات اللى ممكن تحصلك معاه
انا مش ح اتكلم عن الادمان وانك بتدمر نفسك وصحتك والناس اللى بتحبهم علاقتك بهم بتتغير
لا ابدا ابسلوتى
انت خلاص دمرت نفسك وقرار انك تخف من الادمان دى حاجه بقا ترجعلك انت
مبسوط وانت تصرف فلوس على انك تخسر صحتك براحتك
ح تقولى انا نفسيا تعبان وبشرب عشان انسى
لا حضرتك مش بتشرب عشان تنسى انت بتشرب عشان تهرب
ما علينا ده مش موضوعنا
موضوعنا بقا
الانسانه اللى وقفت جمبك واللى نست نفسها عشان بتحبك وانت شخص انانى مستهلك بتشفط طاقه اللى حواليك
الانسانة دى اللى بتلعب دور المنقذ والضحيه فى نفس الوقت ....... شوف القدر العجيب
انتى مبسوطة بكده مع كل التحذيرات اللى اللى حواليكى بيقولها
(حرام عليكى ده بيأذيكى ) (ده بيأخد تعبك وشقائكى عشان يشرب مخدرات )(ده بيخونك كل يوم )
وردك المثالى عليهم
(اعمل ايه بحبه) (عندى امل انه يخف ويرجع زى الاول ) (عارفه انه بيخونى بس بسامحه كل مرة عشان بحبه )
مش ح اقولك غير انك غلبانه قوى قوى لانه هو لو كان بيحبك وخايف يخسرك كان حاول يصلح نفسك
وانك تلعبى دور المنقذ له وهو حد اصلا مش ناوى ينقذ نفسه وبيستهلك مشاعرك ووقتك ووفلوسك وعمرك وطاقتك وحياتك كلها بتقف عليه
ده شخص مستفز ومش يستاهل حتى انك تنقذيه
اقولك حاجه المدمن مالهوش حل غير العلاج وانك مينفعش تكملى معاه بالشكل ده اصلا انتى مش ربنا ... ولا نبى .... و لا منقذ عشان تنقذيه
هو لازم يأخذ القرار ده بنفسه يتعالج الاول كويس واطمئن انه مش ح يرجع للادمان تانى وبعدين هاشوف غير كده
انتى بتزهقى نفسك وبتهدلى نفسك وبتدفعى وهاتفضلى تدفعى والتمن غالى قوى انك تخسرى نفسك
التعليقات
شكرا احمد على مرورك الكريم ولكن اريد ان اوصل فكرة بعض النساء فى موقفها وهى تدمر نفسها من اجل شخص لا يريد ان يتغير وبعد محاولات من انقاذه وهى تلعب دور لا يصلح لها لانه يسحب كل طاقتها مع اخترامى الكبير لرايك اشكرك مرة اخرى هلى مرورك الكريم
كلام غير صحيح ابداً