هل الأخطبوط كائن فضائي؟!

الأخطبوط كما لم تكن تعرفه من قبل, لتكن أول من يعلمها

جمع أخطبوط إيه؟

صح

أخاطب.. زي عنكبوت، عناكب..

السؤال ده ضيع نص درجة لوحده في سنة من السنين في إمتحان ثانوية عامة. بالمناسبة #أخطبوط باليوناني يعني 8 أقدام..

الأخطبوط Octopus

.... مااله

كائن فضائي!!

لأ مش انا اللي بقول ده علماء ودراسات وأبحاث..بعض الباحثين في جامعة شيكاغو درسوا المحتوي الوراثي للأخطبوط وقالة إنه مش كائن أرضي أبداً

ده كائن فضائي جالنا من كوكب تاني ونشر بعض العلماء مقال في مجلة Nature العلمية

إن من خلال دراستهم للحمض النووي لفصيلة رأسيات الأرجل لقوا إنه بيحتوي علي 33 ألف كروموسوم مكون للبروتين،

والكروموسومات دي معقده جداً وكتيره جداً عن الحمض النووي للإنسان أو الحيوانات الأرضية.. (هاوضح الجزء ده أكتر بس ركزوا..)..

الجينوم أو السرد الوراثي هو مجمل المادة الوراثية الموجوده في خلايا الكائنات الحية.. الخلايا بتتكون من نواه..

والنواه جواها صبغات أو كروموسومات جواها تجمع مكثف يعني عدد كبير من حامض الDNA الحمض النووي Deoxyribonucleic acid تمام كده..

طيب.. شكل الكروموسومات وعددها هو اللي بيميز كل كائن حي عن التاني،

والحمض النووي هو عباره عن الشفره الكيميائية اللي بتورث الصفات الموجوده في فرد أو كائن لنسله للنسل الخاص بيه يعني هو اللي بيحفظ صفات النوع...

ده تبسيط لشرح القصة دى علمياً..

و قالوا إحتمال إن الإنفجار المفاجئ اللي حصل للأرض من حوالي 540 مليون سنة هو المسئول عن ظهور الحيوانات الموجوده لحد النهارده

لأن ممكن نيزك يكون ضرب الأرض وهو محمل بفيروسات غريبة أصابت مجموعة من حبار البحر واتسببت في تغيير شكلها وخصائصها عشان تكون أخطبوط فيما بعد..

أو إنه كان فعلاً أخطبوط علي كوكب تاني واتنقل مع النيزك للأرض!!!

ولما نشروا الكلام ده في مقال بمجلة خاصه بالأبحاث والفيزياء الحيوية والبيولوجيا..

إتقابلوا بنقد لاذع ووصفوا المقال بإنه سخيف والمجلة غير علمية..

ولكن الموضوع إبتدى يشغل حيز كبير من تفكير العلماء والباحثين وصدر عنهم تقارير كتير أوي وكمان الصحافة اهتمت بالموضوع اهتمام كبير..

كتب أستاذ علم الوراثة الجزئية بمعهد ماكس بلانك كارلين مولينج إن الكلام ده ماينفعش يتاخد بجدية ومافيش أي دليل يثبته..

وقال عالم الأحياء ويليام جيلي إنه تقرير سيئ وبياناته مضلله و أشبه بكذبة أبريل..

ولكن ظهر فيلسوف أسترالي أستاذ علوم التاريخ و الفلسفة بجامعة سيدني إسمه بيتر جودفري سميث

ألف كتاب إسمه عقول أخري ووصف فيه الأخطبوط انه قريب من كائن فضائي ذكي.. و قال مجموعة من الباحثين إن صفات الأخطبوط

كأنها مقتبسه من مستقبل بعيد جداً عن التطور الأرضي لإن عنده أنظمة عصبية متطورة عنده 500 خلية عصبية

وعيون تشبه الكاميرا وأجسام مرنه وبيقدر يغير لونه وشكله ويعمل تمويهات زي الحربايه لإن عنده خلايا صبغية

وعضلات تسمحله بكده فايقدر يتخفي من أي حيوان مفترس تحت المياه ومايلاحظش وجوده..

ومعروف بذكاؤه لإنه بيقدر يخطط ويفكر ويتوقع الخطر ويهرب منه وبيقدر يفرز سحابه سودا من الحبر

من مادة الميلانين اللي في جسمه تجاه أي حيوان يحاول يفترسه عشان يربكه ويعيق حاسة البصر عنده لحد ما يهرب منه،

وعنده مادة في جسمه بتأثر علي حاسة الشم لفترة مؤقته بيستخدمها كسلاح عشان الحيوانات ماتقدرش تتبعه

.. كمان درعاته الأذرع يعني موجود فيها تلتين الخلايا العصبية اللي بتعتبر سلاح بيدافع عن نفسه بيها ويهرب من أي خطر..

الأخطبوط هو الأكله الشعبية في كوريا الجنوبية وعشان كده اكتشفوا إن في المتوسط بيموت حوالي 6 أشخاص كل فترة

وهما بياكلوه لإن الخلايا العصبية الموجوده في الأذرع بتحاول تقاوم ابتلاع الشخص للأخطبوط و ده لأنهم بياكلوه حي طبعاً..

الأخطبوط بيعيش من 6 شهور ل 6 سنوات و عنده 3 قلوب...

لون دمه أزرق بسبب وجود مادة بتسبب تصبغة اسمها بروتين هيموسيانين

و المادة دي بتساعده علي التكيف مع كل ظروف درجات الحراره تحت المياه وبتمده بالأكسجين في حالة عدم ملائمة البيئة المحيطة بيه..

أطواله مختلفة من 5 سم لحد 5 متر و ممكن اطول.. عنده 8 دراعات لو واحد منهم اتقطع بينمو مكانه دراع تاني..

حاسة البصر عنده قوية والعلماء قدروا يحصروا 300 نوع من أنواع الأخطبوط..

أنثي الأخطبوط بتضع حوالي من 100 الف ل 200 الف بيضه بتفقس خلال شهرين

وصغار الأخطبوط وزنهم بيزيد حوالي 5% يوميا ً وبينمو بسرعة جداً.. أوزان الأخطبوط بتتراوح من خمسة ل 75 كيلو..بس كده ..

دي كانت كل حاجه عايزة أقولهالكوا عن الأخطبوط

..