محتويات دراسة الجدوى وخطة العمل

محتويات وعناصر خطة العمل ودراسة الجدوى الاقتصادية للمشاريع

ما هي محتويات او عناصر دراسة الجدوى وخطة العمل!!

دراسة الجدوى:

دراسة الجدوى بتوضحلك العناصر المهمة للمشروع؛ مثل الاستثمارات المطلوبة للمشروع، والمؤثرات الخارجية عليه، والتكلفة المالية المطلوبة لكافة عناصر المشروع، ودراسة كاملة للإيرادات والأرباح المتوقعة.

وهي ثاني دراسة بتعملها بعد نموذج العمل التجاري BMC لفكرتك لحتى تعرف من خلالها اذا مشروعك بستاهل تنفذه لهيك هالدراسة جميع الجهات التمويلية بتطلبها منك لانها بتضم كل جوانب مشروعك قبل تنفيذه، بعد ما تعمل هالدراسة هون ببين معك قرارك النهائي بتنفيذ المشروع او لا وإلي على أساسها بتكتب خطة العمل للمشروع لتنفيذها على أرض الواقع.

وبتحتوي عناصر دراسة الجدوى لأي مشروع من:

1. دراسة الجدوى التسويقية .

2. دراسة الجدوى الفنية .

3. دراسة الجدوى المالية .

4. دراسة الجدوى الاقتصادية .

5. دراسة الجدوى الاجتماعية .

6. دراسة الجدوى البيئية .

7. تحليل الحساسية للمشروع .

8. أساليب تسديد القروض .

9. كتابة تقرير دراسة الجدوى تفيد بتنفيذ المشروع او لا.

رابط لملف عملته بشرحلك بالتفصيل عن عناصر دراسة الجدوى

https://drive.google.com/file/d/17oTgBVIrA1PUXwj5XoKulcg6VS9DzQ-o/view

خطة العمل:

بعد ما تعمل دراسة جدوى لمشروعك لحتى تقدمه لجهة تمويلية تمولك المشروع هون بصير عليك تكتب خطة العمل للمشروع ويفضل كتابتها قبل الحصول على التمويل وهي تعتبر مثل وثيقة تخطيط لمدة 3-5 سنوات ببين فيها توجه مشروعك للطريق الصحيح لتحقيقه على أرض الواقع.

وعناصر خطة العمل بتتكون من:

1. الملخص التنفيذي يكتب في أول صفحة وبعد نهاية الكتابة من الخطة لتعرض فيه مختصر عن أهداف ومميزات المشروع وفريق العمل والأرباح وحجم التمويل.

2. تعريف المشروع وأهدافه و شو المشكلة الي بتحلها وشو الحل الي بتقدمه.

3. مؤشرات السوق والمنافسين بالسوق لنفس فكرتك او مشروعك وتحليل SOWT (بشرحلكم عنها بوست منفصل) وبشو بتتميز عنهم وعرض مؤشرات الطلب للمنتج او الحاجه الي بتلبيها.

4. بتحدد استراتيجيات تسويق المنتجات او الخدمات الي بتقدمها وتكاليف التسويق.

5. خطة التشغيل والإنتاج الفني للمشروع وبتحتوي على:

- التكنولوجيا المستخدمة بالمشروع

- المعدات

- المواد الخام اذ كان منتجك بحاجه لتصنيع

- الطاقة الإنتاجية للمنتج

6. خطة التطوير والتوسع للمشروع لمدة 3 سنوات على الأقل

7. الخطة المالية وحساب الأرباح والخسائر وقائمة التدفقات النقدية بعد التنبؤ بالمبيعات

8. التمويل: بتحديد رأس المال المطلوب و استراتيجيات التمويل (مستثمرون، بنوك، جهات ممولة …)

9. دراسة التنظيم والإدارة وفريق العمل القائم على المشروع والمفوض بالتوقيع على الأمور الرسمية.

10 . خطة تنفيذ المشروع ومدة التنفيذ.

11 . دراسة الجوانب القانونية:

- الشكل القانوني للمشروع سواء شركة فردية او ذات مسؤولية محدودة ويفضل ان تكون ذات مسؤولية محدودة.

- شو الأنظمة الي بخضعلها المشروع من تسجيل مشروعك فكرتك براءة أختراع ...

- شو الإجراءات القانونية المطلوبة لتأسيس المشروع

12 . دراسة الموقع: وهو المكان الي بتستقبل فيه عملاءك زباينك والحصول على منتجك او خدمتك او حتى حساب تكلفة نقل المواد الخام الى مصنعك وحساب المعدات والأدوات المطلوبة للمكان من أثاث ومكتب وغيره ...

13 . الملاحق: كالرسومات البيانية، والقوائم المالية والصور وغيرها من الأضافات

ولحتى أساعدكم أكثر اذا بدك نموذج لخطة عمل او دراسة جدوى او موقع فيه نماذج لدراسات جدوى لمشروعك بإمكانك تكتب ايميلك بالتعليقات وشو النموذج الي بدك أرسلك اياه

بالتوفيق للجميع.