أثر التغير السلوكي في الشراء نتيجة لأساليب الدفع السهلة

ليه تدفع كاش !

الحقيقة أن الدفع بالفيزا سواء كان أونلاين او بشكل مباشر بيسهل علينا مراحل كتيرة لكن في نفس الوقت سلوكنا الشرائي بيتغير وقرار الشراء بـ يزداد ويعلى


ومقارنةً بالدفع كاش قرار الشراء بيكون تحت السيطرة وبحذر خصوصاً لو المبلغ كبير

تخيل كدا تكون ماسك 20 الف في ايدك و رايح تشتري بيهم بلايستيشن

5 حاجه ترفيهية جداً ..هتفكر اكتر من مره قبل ما تاخد قرار الشراء وبنسبة كبيرة هتتراجع عنه لأن فلوسك في أيدك وهتحس بالذنب وأنت بتفرط فيها في شيء غير ضروي في الحياة


والضرر الأكبر لما بنستخدم بطاقات الائتمان اللي بتدعم التقسيط اللي ببساطة بتكون : سهولة وسرعة في الشراء مقابل ديوووون

وبرضه لو جينا للواقع و روحت تشتري حاجه تقسيط بدون فيزا العقبات هتكون كتير زي الضامن وحالتك الإجتماعية اللي ممكن تكون سبب في تقليل ثقة مكتب التقسيط او البائع اللي بتشتري منه في انك مش هتقدر تسدد الأقساط


تعاله بقى نبص للموضوع من ناحية أصحاب البيزنس وأن استخداهم طرق الدفع السهلة ممكن تسهل من عملية الشراء وبالتالي زيادة في المبيعات وأن الدفع بالفيزا مش مُجرد تطور في طريقة الدفع فقط


وبالفعل في أبحاث أكدت تغير السلوك الشرائي بسبب الدفع بالفيزا هسيبلك المصادر في كومنت


ولو شايف انك استفدت شير البوست وخليك سبب في إفادة غيرك

.


Abdelrahman Waheed

ألهمني ألهمني أضف تعليقك

التعليقات

المصادر :
https://www.nature.com/articles/s41598-021-83488-3?error=cookies_not_supported&code=63d922fa-4141-4bfe-ac32-e02f05aadaa0#Sec2

تدوينات من تصنيف علم نفس

تدوينات ذات صلة